കാരക്കുന്ന്: തൃക്കലങ്ങോട് ഗ്രാമപഞ്ചായത്ത് അഞ്ചാം വാർഡിൽ (കാരക്കുന്ന് ജംഗ്ഷൻ) നിന്നും ഉജ്ജ്വല വിജയവുമായി യുഡിഎഫ് സ്ഥാനാർത്ഥി എൻ.പി. മുഹമ്മദ്. വാർഡിന്റെ ചരിത്രത്തിലെ തന്നെ ഏറ്റവും ഉയർന്ന ഭൂരിപക്ഷമായ 1160 വോട്ടുകൾക്കാണ് അദ്ദേഹം വിജയിച്ചത്. ഈ വിജയത്തോടെ ജില്ലയിൽ തന്നെ ഏറ്റവും കൂടുതൽ ഭൂരിപക്ഷം നേടിയ പത്ത് വാർഡുകളിൽ ഒന്നായി കാരക്കുന്ന് ജംഗ്ഷൻ വാർഡ് മാറി.
തിരഞ്ഞെടുപ്പ് ഫലം പുറത്തുവന്നതിന് പിന്നാലെ വോട്ടർമാർക്ക് നന്ദി അറിയിച്ചു.
കക്ഷി രാഷ്ട്രീയ ജാതി മത ചിന്തകൾക്കതീതമായി വോട്ട് ചെയ്ത് തന്നെ വിജയിപ്പിച്ച 5-ാം വാർഡിലെ പ്രബുദ്ധരായ വോട്ടർമാർക്ക് ഹൃദയത്തിന്റെ അടിത്തട്ടിൽ നിന്നും ഒരായിരം നന്ദി രേഖപ്പെടുത്തി.
